iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.
iCom page



Sarita


Memoir iti maysa a maladaga (palkat 18)

12/04/2016


Memoir iti Maysa a Maladaga (Palkat 18)

Kalis Marco S, M.R.B.


He who sees with his eyes is blind
(-Socrates)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 18 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas

(SPOILER ALERT: KADAGITI MADI PAY NAKABASA KADAYTA BESTSELLER NGA ISTORYA NI APONG DON HUAN A ‘THE WEDDING 2’, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA ARIANA NGA ARA SDQ)

(SPOILER ALERT 2: KADAGITI MADI PAY NAKABASA KADAYTA #1 BESTSELLER NGA ISTORYA NI TITO KARM A ‘KARMASUTRA XXX, SEASON FINALE, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA DOÑA ANA ROSALEA)



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Ket nalipatam metten Kal-El diay nakadalungdong a balasang nga adda Aura na a kasla a ni Apo Birhen Santa Maria a simrek idiay ruangan iti Simbaan-Orthodox, addan sa met kabkabaw mon, medyo makaellek ni Alma a basang ni tita doktora Diana idi naminsan a kalman.

Ay wen ana, kunkunak idiay panunot ko idi naminsan a kalman.

Kimmitaak manen idiay ruangan tapno ikarigatak a lasinen daydiay balasang a nakadalungdong. Ngem madik malasin ta makapurar diay raniag ken silnag daydiay Aura na, kasla makabulag a makapa-blind.

(of course, kunkunak idiay panunot ko, saan a rebulto nga adda spot light na a makapurar daydiay adda idiay ruangan ta, duwwa a rason, umuna, awan met daydiay itattay nangrugi iti kasar, ken, maikadua, saan met nga iyaramidan dagiti Simbaan-Orthodox iti rebulto ni Apo Birhen Santa Maria, ta saan da met a pagrukbaban isuna a kasla pinagrukbab dagiti Romano-Katoliko, they just simply venerate her…naks, ingles met)

(venerate, rukbab, worship, sumilisu Kal-El, kuna idi nga ingkibit-balikat ni tita Ariana idi napan kami nagpasyar a nagpagna-pagna idiay Central Park, ta uray isuna ket madi na met ammo ti ilokano iti ‘kibit-balikat’)


Speaking gayam of bulag, blind, agpayso siguro dayta nakuna ni Socrates, naadal mi idi idiay IB-Daycare idiay UP, University of Prinston, ta uray no saan unay a mamati ni tita Ariana kadagiti superstitious belief, no kua, apputen na ngarud dagiti matak tapno madik makita dagiti dapat a saan ko a makita.

Kasla idi ifa-fine tune na nga ical-calibrate diay MANAS na, Microwave Amplification by Non-Attenuating Stimulator, ifa-fine tune na tapno HD diay imahe, High Definition, mayat iti resolution na a kasla HD-TV, mayat idi iti kakaanak iti iniw-iwa na a mansanas nga apple nga ingkabil na idiay latok a Plato, adda metten pagngalngal ko idi a duwwa a ngipen idiay makin-ngato a gugot ko ken duwwa a ngipen idiay makinbaba a gugot ko ta agpayso siguro diay nakuna ni tita Ariana, kada banag, adda kabatog na a banag, Mene Mene Tekel Upharsin, ta siempre, ania nga agpayso ngay ti serbi diay duwwa a ngipen idiay makinngato a gugot no awammet ti kabatog da a duwwa a ngipen idiay makinbaba a gugot, makangalngal ka ngarud iti apple?

Enihu, di kasdiay, buybuyaek idi ni tita Ariana nga agbutbutingting iti MANAS na kabayatan a mangmanganak iti apple nga adda idiay Platok, agbuybuyaak lang a ta adu a rason, umuna, saanak met a mitir nga apan ko ketdin mitiren diay kukuaen na, maikadua, madik met ammo diay kukuaen na, makoryente-ak to pay, mahirapen a, ken, adda-ak met idiay uneg iti playpen ko ta impaluspak nak met ni tita Ariana idiay uneg a kaduak diay Platok iti mansanas.

Adda manen pinindo-pindot idi ni tita Ariana idiay Tablet na a computer, idi kuan, ni, idiay screen iti tablet, bigla manen a nagparang diay ulandis a balasang a sigurado kon ita ngarud a ni tita Ana Rosalea isuna…OMG!!!

Awan t-shirt na a lamu-lamo a nakatugaw nga aglag-u lag-oy… a kasla man hinete a nakalugan iti kabalyo idiay Santa Ana:

HIIII- YAAAA LABANG!!! WIIIIIII-HIIIIIIIIIIIIIIII!!!

Dardaras idi nga inapput ni tita Ariana dagiti matak, um-umlek isuna idi:

Dakes a mabuyam dayta Kal-El, agbulag ka!!!

Ha? Intingig ko idi nga impakanigid diay ulok tapno mailigsay diay ima ni tita Ariana a nakaapput idiay matmatak, ngem insurot na met nga inyapput. Intingig ko nga impakanawan, sulatta nga insurot na diay nakaapput nga ima na.

Oh well, kunkunak idiay panunot ko idi, baka agbulagak nga agpayso.

(madi agbulag ni tita Ariana uray mabuya na daydiay ta ‘He’ kuna met ni Socrates, ni tita Ariana ket ‘She’ met)

Ngem pagsiddaawak idi, ampay a lamu-lamo nga in-the-nude nga agkabkabalyo daydiay ulandis a balasang, nature-lover siguro, kunkunak idiay panunot ko idi:

The Hills are Alive…la-la-la-la-la-laaaaaaaaaaaaa


Malagip ko man gayam, idi gayam napan naki-jamming da daddyk a Marco San ken tita Ariana idiay pagdagdagusan da tita Lisa May idiay NYC, madi ammo idi ni tita Ariana a diay balay a napanan mi ket balay gayam da apong Don Huan ken tita Ana Rosalea (madi da pay nakapag re-connect idi, da tita Ariana ken apong Don Huan).

(madi kami idi nagrarana kada tita Judge Aramina ken tito Miron idiay NYC ta impasyar isuda idi da tita genetisis Elisa ken apong Deacon Karl idiay Montreal, idiay ayan ni manong ni tita Elisa, misis ni manong ni tita Elisa ni manang ni tita Ana Rosalea)

(namrayan da met kanon idi iti dimmagas idiay Ottawa ta apan kinilatis ni tito Mayor Miron diay opis ni president Trudeau [pronawnsd tru-dow kano apo] idiay parliament hill, medyo natartaraki la bassit ni presidente Trudeau ngem ni tito Miron, apan da kinilatis ta bareng kano agka-idea ni tita Aramina no kasano pang-decoration na kadaydiay opis ni tito mayor Miron idiay Kailukuan)

Malagip ko dayta papan mi idiay NYC ta idi kaskastrek mi idiay balay da apong Don Huan ken tita Ana Rosalea, ni, bigla a naglammiis idi ni tita Ariana:

Kasla naam-amlinganak Marco San, addan san met nanglugan kaniakon a karkarma, kunana idi. Kinaut ni daddyk a Marco San diay bulsa na no adda makaut na a bulbulong iti baybana ta pang-abug na kadaydiay karkarma a nanglugan kenni tita Ariana ngem awammet nakaut na.

Idi kuan kunayo ngay, bigla metten a naglusdoy ni tita Ariana a nagkulikulibagtong a kasla agkissiw, nagar-areng-eng isuna, madanagan idi da tita Lisa May, madi da ammo kuaen da.

Kalpasan lima a minuto, wen, lima a minuto kapaut na, bigla a nagsardeng diay areng-eng ni tita Ariana, kasla bigla a nalukag a nariing isuna, napalalo ti pannakarusep na iti ling-et.

Kalpasan duwwa a bulan, isu idi nagdul-dul-a ni tita Ariana.

In-love ka kadi tita Ariana, damagek kuma idi ngem saan man langenen ta saanak met a mitir, kunkunak idiay panunot ko idi.





Kalis Marco S, M.R.B. ©2016





Rate this Article
Low <---------------------------------> High



Please login to rate this Article