iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 19)

12/18/2016


Memoir iti Maysa a Maladaga (Palkat 19)

Kalis Marco S, M.R.B.


There were three of us in this marriage, so it was a bit crowded.
(-Princess Diana)

Idi ingkasar ni Marco San ni basang ko a Mis Brenda a kakaisuna nga anak ko, madi-ak naawanan iti anak, ngem ketdi nakaganansia-ak pay, tallo dan nga annak ko.
(-Gramma Pacing)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 19 ti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas

(SPOILER ALERT: KADAGITI MADI PAY NAKABASA KADAYTA BESTSELLER NGA ISTORYA NI APONG DON HUAN A ‘THE WEDDING 2’, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA ARIANA NGA ARA SDQ)

(SPOILER ALERT 2: KADAGITI MADI PAY NAKABASA KADAYTA #1 BESTSELLER NGA ISTORYA NI TITO KARM A ‘KARMASUTRA XXX, SEASON FINALE, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA DOÑA ANA ROSALEA)



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. tuloy na.


Sakbay man gayam a dillawen manen ni Alma a basang ni tita doktora Diana, baka ket awagan nak man ngatan apo nga ‘agkabaw a maladaga’ lallalo ta nalipatak met gayamen dayta ‘B’ iti ‘M.R.B.’ dita palkat 18, ituloy ko man gayam diay tungtungan da daddyk a Marco San ken Mis Grace a cuzin ni tito Miron, idi nagtelebondying da sakbay a nagpa-Canada kami nga agatendar ditoy kasar da Apong Don Huan ken tita Donya Ana Rosalea, ta dinamag idi ni daddyk a Marco San no dinnodtoy da tita Judge Aramina:

Daddyk a Marco San: Malagip ko man gayam Mis Grace, sika met lang kadi ditoy pudno a biag diay cuzin ni meyor Miron, diay cuzin na nga aw-awagan ni Deacon Karl Marks iti Mis Katrina?

Mis Grace: Ay ahi-hi-hi, mas kiut pu aku ng kunti kuyang!!!

Daddyk a Marco San: Ha? Ibig mu sabi Mis Grace, mirun talagang Mis Katrina na cuzin din ni meyor Miron ditu sa tunay na buhay?

(ta diay kunada ngarud kano, never believe everything you hear or read here in the internet, baka mangal-allilaw lang nga agpayso ni Mis Katrina…wenno ni Mis Grace?)

(a kasla ngarud diay paka-alallilawan dagiti dadduma a makangngeg a ‘San’ ti apilyido ni daddyk a Marco:

Maal-allilaw: Hapon ka kadi Marco-San?

Daddyk a Marco San: Saan, awan ti hyphen na dayta nagan ko ken apilyedok

Maal-allilaw: Koreano ka ngarud a, Marco San? Miembro ka kadi iti ‘K-Pop’ a Band?

Daddyk a Marco San: Saan siak Koreano, i-Dingras siak, ken saan a K-pop diay Band mi, P-Pop, Pinoy Pop

Maal-allilaw: Ni ngarud a, baket mo a Mis Brenda San iti Koreana?

Daddyk a Marco San: Saan isuna Koreana, i-Badoc isuna, narasaw ngiwat na

Maal-allilaw: Ket ni balong yo a Kalis Marco San, Koreano kadi isuna?

Daddyk a Marco San: Saan isuna Koreano, mirkano isuna, Born in the USA, NYC orig, naturalmente

Maal-allilaw: Ha? No i-Dingras ka, i-Badoc ni baket mo a Mis Brenda San, mirkano nga NYC orig ni Kalis Marco San, kasano kay ngay a nagsasarak a tallo idiay Princeton New Jersey?)

(hmn, what a conundrum)

Uray la bigla nga imlek ni Alma a basang ni tita doktora Diana idi naminsan a kalman idi ita-type ko dayta, ket Kal-El, kunana a nagpammimid manen, inyaw-awan mo manen diay saludsod ko, sinno ngay diay nakadalungdong a balasang idiay ruangan iti simbaan? Misdirection kadi dayta pangiyaw-awan mo? Adda kadi ilimlimed yo kenni titam nga Ariana?

Urayak la nagka-dilemma, wenno daylema, kasanok ngata nga ibaga apo kenni Alma a basang ni tita Diana, kasanok nga ibaga iti maipapan kenni tita Ariana, ta kasla agbatbatingting pay lang ditoy lapayag ko daydi inyarasaas a pinangay-ayo kaniak idi ni tita Ana Maria a misis ni tito Mark, a dati kano a boypren ni tita Erika a bespren ni tita Ana Maria, daydi inyarasaas a pinang-comfort na kaniak isu a simmimbeng iti riknak idi pagarup ko ket nagpukawen a kasla asuk ni tita Ariana idi kasar da tito Ron ken tita Alysa G. Aguilar aka Kumander Lady Ag-Ag:

Saan ka a madanagan Kal-El, Good News, saan nga intayab nga in-abduct dagiti Aliens ni titam nga Ariana, intayab isuna iti Anghel, baka ni Angel Gabriel.

Uray la ngarud simgar dagiti dutdot iti teltel ko idi, ta biglak idi a nalagip diay figurine a porcelana nga Angel idiay display cabinet idiay balay a napanan mi idi kada daddyk a Marco San ken tita Ariana idiay Queens NY, idi naluganan iti ispiritu a Karkarma ni tita Ariana, Abril 6 idi, kasla adda idi silnag a naipaturong kenni tita Ariana kabayatan nga agkurkuripaspas isuna idiay carpet, silnag a kasla laser beam a naggapu kadaydiay Angel a figurine.

(ammo mi tattan a figurine ni tita Ana Rosalea daydiay nga Angel ta, balay da gayam diay napanan mi idi)

(malagip ko man gayam, idi napan kami nagpasyar idiay NYC, naglugan kami idi idiay subway da, adda idi agitgitara nga agkankansion, adda met idi agitinnag iti maysa dolyar, no dadduma coins ti ited da idiay kallugong na, kapuy daytoy, kunkunak idiay panunot ko idi, dapat, agarimunding-munding isuna tapno tinnagan da met iti beinte dolyar, wenno ngata madi sinuruan ni gramma na iti arimunding-munding?)


Enihu, sinirig ko manen a nalaing diay nakadalungdong a balasang idiay ruangan iti simbaan-Orthodox. Madlaw kon diay hekhi a pammagi na idiay nakipet a bado na, kimmoka-kola…

Kayat na ngarud a sawen, saan a ni tita Ariana isuna ta saan met a buntis a bundat diay balasang. Ta, dandanin kano aganak ni tita Ariana, dandanin ag-siam a bulan isuna.

(ammokon itan no ania daydiay code a Tes-bun ken Preggers, ta nakitak idi diay ladawan ti kasar ni tita Annette…ehhh, ladawan ni tita genetisis Elisa idi kasar na, buntis isuna a kasla met la ni tita Ariana, idi kuan, kalpasan sumagmamano a minuto idi nalpas diay ceremony iti kasar da idiay Bangar La Union, Disyembre 25, naipasngay ni Christopher a balong da, ni Topet)


Speaking of Preggers, malagip ko man gayam idi nagpa-Princeton ni Gramma Pacing, naragsak isuna idi ta adda ni tita Ariana a kadkaduak idiay walk-in closet ko, nalag-an ti rikna na kenni tita Ariana, isu a nakuna na a nakaganansia isuna idi ingkasar ni daddyk a Marco San ni mommyk a Mis Brenda, nakaganansia isuna iti maysa pay a basang, ta imbilang nan a basang na met ni tita Ariana.

Uray no kasta la unay ti siddaaw ni Gramma Pacing no ampay a masikog ni tita Ariana, mas rimmagsak isuna idi ta addan kano ading ko…Ha?


“Kal-El”, boses ni Alma, “kasla a ni Mis Marian nga Rivera dayta nakadalungdong a balasang dita ruangan iti simbaan-Orthodox.”

Ha?

Saan a ni KK a Mis Kim ti agprotesta kadayta pagkasar ni apong Don Huan, saan a ni AJ a Mis Angge, wenno ni TS a Mis Taylor, ti agprotesta kadi ket ni Mis Mari…

“OMG!!!”

“Shhhhsssh”

In-shissh ni tita Cristi, impakurus na diay tammudo na idiay bibbibig na.

Nagganas man ti pinagabay diay tammudo na kendiay siding na idiay asideg iti bibig na ala Mis Eva Mendes.



Kalis Marco S, M.R.B. ©2016





Rate this Article
Low <---------------------------------> High



Please login to rate this Article