iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (palkat 21)

01/15/2017


Memoir iti Maysa a Maladaga (Palkat 21)

Kalis Marco S, M.R.B.


Variety is the spice of Life
(-Kadaanan a Proverb)

And therefore, if you won't let me call him changeable, I'll coin a word and call him consolable.
(-Elizabeth Gaskell, Wives and Daughters)

Madi kon kayat ni Miss JLo Ateng
(-Apong Don Huan de Markus cover, I Don’t Wanna Miss a Thing)


Part III, Da Formula 3


Disclaimer:

Dagiti nagnagan ken luglugar a nadakamat ditoy Palkat 21 iti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas

(SPOILER ALERT: KADAGITI MADI PAY NAKABASA KADAYTA BESTSELLER NGA ISTORYA NI APONG DON HUAN A ‘THE WEDDING 2’, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA ARIANA NGA ARA SDQ)

(SPOILER ALERT 2: KADAGITI MADI PAY NAKABASA KADAYTA #1 BESTSELLER NGA ISTORYA NI TITO KARM A ‘KARMASUTRA XXX, SEASON FINALE, PANGNGAASI YO KADI TA BASAEN YO PAY SAKBAY NGA ITULOY YO A BASAEN DAYTOY MEMOIR KO TAPNO MADI-AK MAKABASOL A MAI-REVEAL KO DAGITI SIKRETOs DA APONG DON HUAN KEN TITA DOÑA ANA ROSALEA)



Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. Tuloy na.


“Ni kadi JLopez deta hekhi a nakadalungdong a balasang Kal-El?” Inggaw-at nga ingkulding nga inyarasaas ni Alma a basang ni tita Doktora Diana nga adda idiay bangir a sikigan ni tita Cristi.

“Shhhs” In shish manen ni tita Cristi. Inapput ni Alma diay ngiwat na, tapno saan a dangling participle, diay bukod a ngiwat ni Alma ti inapput na, saan na nga inapput diay ngiwat ni tita Cristi.

Sinirig ko a nalaing diay balasang. Kaslak la ket ngarud maim-imadyin diay ladawan ni Jennifer nga Lopez a buybuyaen idi ni daddyk a Marco San…basbasaen na diay artikulo kunak kuma, kasla ngarud diay ladawan ni Kaley nga Cuoco a paga’t puseg diay neckline iti bado na…

Wiiiit Wiiiw!!!

Kaslak pay ngarud nangngeg nga impaswit ni daddyk a Marco San idi…ni gayam mommyk a Mis Brenda iti nagsagawisiw a nagpaswit a dardaras nga inserra ni daddyk a Marco San diay tawa iti macbook na ta pinateltelan isuna ni mommyk a Mis Brenda.

Ngem of course, saan a ni Miss JLo diay hekhi a balasang dita ruangan iti Simbaan-Orthodox ta, segun kadaydi tsismi… istoryaan da mommyk a Mis Brenda ken daddyk a Marco San idi agbibiahe kami nga agpa-Canada, madi kano invitated ni Miss JLopez ditoy kasar da Apong Don Huan ken tita Donya Ana Rosalea ta nasakit kano iti nakem ni apong Don Huan de Markus a Lover Boy ta hay apu, nasakit kano nakem na ta nadamag na kano a baka ket kina-pinnulipol metten ni Miss JLo ni

Drake

A taga-Toronto, ta nagung-ungngo da kano a nagbinbinnisong a baka ket nagkin-node da metten:

Madi kon kayat ni Miss JLo Ateng

Inyanug-og kano idi ni Apong Don Huan kenni Ateng na a Mis Beyonce a makinkukua kadaydiay Jamaican Store idiay NYC, kasinsin ni tita Miss M, kaing-ingas kano ni Miss Beyonce diay gayyem ni Apong Don Huan a taga-Belanse, Ateng iti awag na ta kasla metten manang na kano. Pinabalonan kano idi ni Miss Beyonce ni Apong Don Huan iti spicy roti tapno malipatan na sakit nakem na.

Tapno adda pangbulon na kadaydiay spicy roti, gimmatang kano idi iti maysa-kaha a budweiser ni apong Don Huan ta talaga nga ibartekan na ket idi kano e, a kasta la kano ti el-ellek idi ni tita Donya Ana Rosalea ta naibus kanon ni Apong Don Huan diay 24 a bote a linaon diay maysa-kaha ket madi met la kanon mabartek ni Apong Don Huan:

Kasano a mabartek ka Kordapioh ket non-alcoholic a budweiser met dayta napidot mo.

Ha?

Ti rurrurod kano ket idi ni Apong Don Huan, Awan la’t awan!!!

(palawag kano, saan a ni Apong Don Huan iti inyaalaan ni Miss JLo iti restraining order, saan kano nga isuna diay mangis-stalk kenni Miss JLopez)


Enihu, uray mampay gayam kano kasla adu iti tsiks ni Apong Don Huan, imaginary man wenno fantasy, ta siguro, madi na met mapagbalbaliw ni Apong Don Huan, unchangeable, okey lang kano kenni tita Donya Ana ta diay proverb kano ngarud, variety ket kasla metten nga spicy roti, okey lang sagpaminsan basta saan a mapalaluan ta siempre, no masobraam dayta spicy roti, mabalin nga agheartburn ka, agibleng ka, ken baka agalmoranas ka pay, incon-console na ngarud kano idi a kinonfort ni Apong Don Huan, ta siempre, aramiden met ni tita Ana kano amin a kabaelan na a paragsaken ni Apong Don Huan:

Babaam Kordapioh ta maibbong met diay itlog ni JLopez no kas pangarigan nag-coding da ta baka nakakapote met dagiti bayyeks ni Drake no nagusar isuna iti protection, adda ngarud dagiti bayyeks idiay

Protective Custody

Ken tapno agtalna kan Kordapioh, tapno agtalnan dayta agheartburn a pusom, WEN, mabalin tan iti agkasar, idiay a, simbaan mi nga Orthodox Church.

Isu, to make this short story short, that’s why we are all gathered here today. (naks)

(maipapan gayam kadayta variety, adda met ket pammagbaga nga advice ni Gramma Pacing, Kal-El, kunana idi ar-aramiden na diay income tax da Mommyk a Mis Brenda ken daddyk a Marco San, madi no dagiti investments mo ket nakapisok amin iti maymaysa a basket, masapul nga ag-diversify ka, nagtung-edak met idi kabayatan a nakaluspakak idiay playpen ko a nangipisukan na kenkuak tapno a, kasla met maawatak kampay idi diay lecture ni gramma financial advisor, madi no nakapisok amin nga eggs idiay maymaysa a basket Kal-El, kasla dagiti tagilakok idiay tindaan, dagiti itlog iti white leghorn ket adda bukod da a basket, kasta met dagiti native nga itlog, adda bukod da a basket, dagiti met lakok a sabsaba, labba iti usarek saan a basket, nakalabba dagiti tumok, sabali nga labba ti ayan dagiti dippig tapno nalaklaka ti agatado nga agi-display idiay tindaan)


Enihu, speaking of labba, bilib ket kano da mommyk a Mis Brenda ken daddyk a Marco San ta madi kano pateltelan no kua ni tita Donya Ana ni Apong Don Huan de Markus a Lover Boy, naatiddog kano iti kurdon iti pasensia ni tita Donya Ana.

Sabagay, kunkunak idiay panunot ko idi agbibiahe kami nga agpa-Canada kabayatan a nakatugawak idiay booster seat ko, ngalngalngalek idi diay ginalip nga apple ni mommyk a Mis Brenda a saramsam ko, uray met ni mommyk a Mis Brenda, uray sagpaminsan ket pateltelan na ni daddyk a Marco San, karinyo kano a pateltel, saan na met ketdi nga atapen a ni daddyk a Marco San ti kakinkin-node ni tita Ariana no kasta nga agflaflight attendant isuna, pagtalkan na met isuda, naragsak kami ngarud a kinanayon a kasla one big family, kasla ngarud idi dekdekorasyonan mi diay Christmas tree mi idiay Princeton idi naminsan a paskua, kankansionan ala soprano idi ni daddyk a Marco San diay Chrismas Tree:

O Christmas Tree O Christmas Tree
Thy leaves are so unchanging;
O Christmas Tree O Christmas Tree
Thy leaves are so unchanging;
La-la-la-laaaaaa La-la-la-laaa

Hay apu kordapioh a Marco San, inyellek idi ni tita Ariana, ap-aprosan na diay bombo a boksit na, aganges iti nauneg no kua, kasano kuma nga agbaliw dagiti bulbulong daytoy Christmas Tree yo ket plastic met, a matmatay ngarud idi iti ellek da mommyk a Mis Brenda ken Gramma Pacing.

Ngem sagpaminsan ket madlaw ko a kasla masmasdaaw pay lang ni gramma Pacing a kasla agsabat dagiti kiday na a kumita kenni adopted daughter na a tesbun a tita Ariana, kumita kenni daddyk a Marco San, ken kumita kenni daughter na a mommyk a Mis Brenda, wife ni daddyk a Marco San. Kimmita idi ni Gramma Pacing kaniak a kasla agsalsaludsod no baka ammok no sinno ti kadua ni tita Ara a nag-coding, nagkibit-balikatak lang idi a, ta madik met ngarud maipalawag diay lawag a naggapu kadaydiay figurine nga Angel ni tita Donya Ana Rosalea idiay balay da idiay Queens, diay lawag a naipaturong kenni tita Ariana a kasla adda ngarud hologram a mensahe a mabasa:

Addan to kargaem a Bibi dita boksit mo, Miss Ariana

Enihu, inteks gayam ni gramma Pacing idi naminsan a kalman a naganaken ni tita Ariana idi January 07, 2017, aldaw iti Christmas da tita Ana ken tita Elisa, korek diay prediction ni tita genetisis Elisa, ngem agsiddaaw manen kano ni Gramma Pacing, ampay ngay ta kasla adda kurang idi tinimbang diay Midwife daydiay Bibi ni tita Ara, saan a balanse diay scale a balance, a kasla man…

Tinimbang ka nguni’t Kulang


“Saan isuna a ni Miss Amber a massage therapist ni Don Huan de Markus, saan a ni Miss April, wenno Miss June isuna, ni Miss January dayta nakadalungdong nga hekhi a balasang, Alma, Kal-EL.”

Paarasaas diay boses ni Kumander Tita Cristi.

“Ken,” Impakamakam ni Kumander Tita Cristi, kasla umlek diay boses na, “madi pudno daydi tsismis a siak met la ni Cristine Reyes a nakabikini a nakaiggem iti assault rifle ditoy pudno a biag.”



Kalis Marco S, M.R.B. ©2017






Rate this Article
Low <---------------------------------> High



Please login to rate this Article