iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

Kalis Marco S, M.R.B
iCom page



Sarita


Memoir iti maysa a maladaga (season finalé)

02/10/2017


Memoir iti Maysa a Maladaga (Season Finalé)

Kalis Marco S, M.R.B.


You say it best
When you say nothing at all
(-Alison Krauss, When You Say Nothing at All)


Part III, Da Formula 3

(SPOILER ALERTs 1 and 2, please see palkat 19)

Disclaimer:

Dagiti nagnagan ken luglugar a nadakamat ditoy Season Finalé iti makabagbag-rikna ken makapaarubos lua nga ababa nga istorya a napnuan drama ket fictitious tapno mailinged ken madisimular dagiti pudno a nagnagan ken luglugar ditoy dramatization a naadaw from true events a paspasamak, no man bilang adda pagpadaan da dita pudpudno a biag yo ket saan ko nga inggaggagara, wen, agpayso, cross my heart and hope to die.

Semper Veritas


You have the right to remain silent…
(-Tita Judge Aramina)


Richmond Hill
St Joseph & St Mary Orthodox Church (SJSMOC), Yonge Street

Aldaw iti kasar. Tuloy na.


“Hoy Kal-El, agri-ing kan, dandanin malpas daytoy kasar” inggaw-at nga ingkalbit ni Alma a medyo makaellek diay paarasaas a boses na, uray ni Tita Cristi, medyo makaellek met isuna, ta nakasanggirak gayam kenni tita Cristi.

Ha? Nairidep ko? Nagtagtagainepak? Tagtagainep lang amin dayta palkat 22? Gapu kadi ta makapailibay diay kansion ni Tita Cristi…ehhh, tita Christina Perri dita palkat 22…

Metaphoric Soporific?

Nasiputak a medyo kumkumleb a napan nagtugaw ni tita Miss Henrietta idiay dati a tugaw na, sumarsaruno kenkuana ket diay naka PantSuit…ni kano kakang Dinang a kakang daydiay Tata Kalis ni mommyk a Miss Brenda, inyarasaas dayta ni Tita Cristi…ha?

Ken sumarsaruno pay ket diay maysa pay a napungga a balasang, ni kano Tita Ma. Nancy B a taga Basa Air Base Pampanga, diay maysa pay a miembro iti Spicy Girls idiay UFE, University of Far Easter, kadua na ni mister na, diay air force a piloto.

Dakkel iti patta-patta kano da mommyk a Mis Brenda ken daddyk a Marco San a limed a gelpren idi ni Apong Don Huan ni tita Maria Nancy B idiay UFE…ha?

Enihu, apan sinundo kano isuda ni Tita Miss Henrietta idiay Pearson Airport ta naggapu kano da Tita Ma Nancy B idiay Colorado, dimmagas da kano idiay NYC ket na-strand da kano gapu kadaydiay snow storm…ha?

Kayat ko a damagen kenni Tita Cristi no ampay a kakuyog da tita Maria Nancy B ni kakang Dinang ni Tata Kalis ni mommyk a Miss Brenda ngem nagkedkedak ta duwwa a rason:

Saanak met nga usyosero ken madik pay met ammo nga ibalikas dagiti agsasallupang a salsaludsod ditoy panunot ko, ammok a madi nak met maawatan ni tita Cristi, ta di kad madik ngarud maipalawag kenni Gramma Pacing a baka Immaculate Conception no ampay a tesbun ni tita Ariana, idi naluganan iti ispiritu a Karkarma ni tita Ariana sa idi kuan, nasilnagan isuna iti silaw daydiay porcelana nga Angel ni tita Ana Rosalea, adda idiay palkat 19.

Sabagay, blessing-in-disguise siguro a madi-ak pay makabalikas unay ta agpayso a talaga diay kuna idi ni Alma a basang ni tita Diana, complicated la unay dagiti nataengan, madi pay kabaelan nga ibuksilan daytoy naganus a kapanunotak, narigat a maawatan, narigat a maipalawag, diay ngarud legal advice idi ni Tita Judge Aramina, You have the right to remain silent Kal-El, kunana idi, nalaklaka a maliklikam dagiti parikut, narigat iti tarabitab ta baka lumned diay barkom.

Loose lips.

Kinita diay padi ni tita Maria Nancy B of Basa Air Base, taga Colorado da tattan, kinita diay padi isuna no adda makuna na kadaytoy pagsinggalut iti puspuso da tita Ana Rosalea ken Apong Don Huan ngem mababain a nagwingiwing ni tita Maria Nancy ta naladaw da.

Nasiputak a sinenyasan ni Antie ni tita Ana Rosalea diay padi, intudo na diay relo na, hmn,

Time is of the Essence

ta, kalpasan kano daytoy kasar, agrubwat kano da tita Ana Rosalea kendagiti kakabagian na ta agsubli da kanon idiay Ukraine ta apan da manen makibakal ta salakniban da diay motherland da ta nangrugi man kanon iti gubat.

Of course, sumurot da tita Alysa G Aguilar aka Kumander Lady AgAg ken tito Ron, pati da tita Diana ken ni singin na a tita Adina ken ni ading ni tita Rosario a doctor apan da met ag-medico idiay, kaslan a, doctors w/o borders, pati da tita Miss M ken tita nars Norida ken tito Abdul B Markuzim ken, of course ni tita Kumander Cristi, apan da met tumulong a makibakal, para kano kenni bespren na nga Apong Don Huan.

Ni Anti Kleng-Kleng a Lovely Lyn madi makapan nga ag-nurse idiay gubatan ta kaan-anak na, masapul diay maladaga na iti nursing mother.

Mabalin nga agulimek laengen ni tita Maria Nancy no agpayso diay patta-patta da mommyk a Mis Brenda ken daddyk a Marco San ta para kepa? Por kua? Adda metten bukod na a Familia, uray ni tita Ana Maria nga atap idi ni mommy ni Apong Don Huan nga ag-item da ta kanayon da kano nga agpraktis idi iti sala nga horizontal cha-cha idiay sofa iti boarding house idiay manila, adda metten bukod na a Family, large family ta lima ngarud iti bibis dan kenni tito Mark a dati a boypren ni tita Erika.

(Maria Nancy…Ana Maria… Hmn, uray la ngarud imlek idi ni mommyk a Mis Brenda, baka met kano isuda met la ni tita mayora Annette ta ampay a kasla agkakanagan da, Mayora Mary Antoinette… ha?)

Enihu, maymayat kano no naulimek ka. Awan adu a parikut. Kasla diay kuna ni tita Judge Aramina, ken diay inyarasaas idi ni tita Ana Maria idi bigla a nagpukaw a kasla asuk ni tita Ariana idi kasar da tita Alysa G Aguilar ken tito Ron, adda idiay palkat 19:

Saan ka a madanagan Kal-El, Good News, saan nga intayab nga in-abduct dagiti Aliens ni titam nga Ariana, intayab isuna iti Anghel, baka ni Angel Gabriel

Sikret mi kano dayta kenni tita Ana Maria, awan pangibagbagaak.

Madik napakadaan a kimmita idiay direction ni mister ni tita Maria Nancy B, diay air force pilot, ni

Capt. Angel Gabriel

Isuna diay nangi-drive a nangpiloto idi kadaydiay helicopter ni Heneral Ramas, intayab na ni tita Ariana nga intulod na idi idiay Dasma, idiay balay da tita Adina a pagdagdagusan ni Gramma Pacing ken ni mommyk a Mis Brenda no kasta nga agpa-Pilipins nga agflight attendant ta, ni mommyk a Mis Brenda iti

Designated House-Sitter

Kadaydiay balay da tita Adina a dati a balay da tita Rosario…naggulo!

Isu, madi kano naabutan a nakita dagiti FBI ni Tita Ariana idiay compound iti CLMS, Church of the Later Married Saints, da Special Agent Paks Muldong ken Special Agent Doña Iskaleri, birbiruken da ni tita Ariana ta baka adda kano kaniana dagiti documents a makalawag kadagiti misteryos dagiti simbolos.

(isu ngarud a naulimek kami a kanayon kenni tita Ariana idi idiay ayuyang mi a walk-in closet ko no kasta nga apan agpasyar da Special Agent Paquito Muldong ken Special Agent Iskaleri idiay balay mi idiay Princeton ta adda gayam atap da idin nga idiay nga aglemlemmeng ni tita Ariana)

Speaking gayam of Dasma, nairanrana kano nga adda idiay Dasma ni ate Katrina a twin sister ni Mis Grace a cuzin ni tito Miron, mas cute kano ni Mis Grace, di-met kuna idi ni Mis Grace kenni daddyk a Marco San, adda kano idiay ni ate Katrina idi naganak ni tita Ariana idiay balay da tita Adina, isuna kano ti mangas-assist itatta kenni tita Ariana, ta kasapulan na kano iti assistance ta kamali kano diay Hologram diay Figurine nga Angel ni tita Ana Rosalea, adda idiay palkat 21:

Addan to kargaem a Bibi dita boksit mo, Miss Ariana

Ta, segun kadaydiay Instagram ni ate Katrina kenni daddyk a Marco San, duwwa a Bibis iti nakaladawan, saan a maysa a Bibi.

(Isu met la a ‘Kurang’ kuna kano diay komadrona idi tinimbang na diay umuna a Bibi a rimmuar ta, adda pay gayam maysa a sumarsaruno)

Saanak met ketdi makarikna iti ilem, saanak met nga agdyeling nga agimon ta addan twins a duwwa a Bibis a sakluten a kansionan ni tita Ariana a kasla idi sakluten nak sa agpiano nga agkansion isuna ala tita Alison Krauss tapno mailibayak, kasla ngarud agkabka-boses da:

The smile on your face
Lets me know that you need me
There’s a truth in your eyes saying you’ll never leave me
The touch of your hand says you’ll catch me whenever I fall
You say it best
When you say nothing at all

Isu met dayta iti promise na idi idiay Palkat 2:

I will always be here for you Kal-El

Isu, uray no madi-ak makabalikas pay laeng ken saan pay met a nawadwad iti bokabularyok, agkinkinnaawatan kami latta kenni tita Ariana:

Old Mister Webster could never define
what's being said between your heart and mine

Agkinkinnaawatan kami no kasta a nakasadag diay ulok idiay barukong na ta mangngeg ko ngarud diay ipitpitik iti puso na, ta uray no adda akon idiay nagbenddengan iti ridep ken puot, madik kayat a bulosan diay puot ko tapno mananam ko latta diay sam-it iti kansion na kendiay bara iti agek na ditoy muging ko:


Sweet Dreams Kal-EL

Tsup




Kalis Marco S, M.R.B. ©2017






Rate this Article
Low <---------------------------------> High



Please login to rate this Article