iluko.com - website a magustoan a pagpalpallailangan dagiti pada a nangisit ti sikona.

Articles

 

Skip Navigation LinksHome > Articles Main Page > Article


AUTHOR

leonardo rosqueta agunoy
iCom page



Salaysay


Dumngegka iti patigmaan (maikatlo iti uppat a paset)

03/02/2018


ADDA koma pateg dayta karim. No maysaka a manakem a tao, ipaneknekmo babaen ti sao ken aramid. Dika makitulag wenno makipinnasingked iti maysa a katulagan no dika makatakder iti tulagan. Masapul a ti pannakitulag, manakman. Adda tulang ti ibbatam a kari/pannakitulag. Ti pannakitulag ngamin, kabukbukodam dayta a kinedngan. Uray pay adda diktar ti sabali a tao. Sika latta ti nakitulag.

Adu ti maparnuay a razon no ti karim iti maysa a tao, tallikudamon a mamimpinsan. Dayta ti adatna. Adu ti razon nga agbalin pay a lapped no dadduma. Agpaay dagita a lapped iti panagragsak a mangbatok iti alimpatok ti balligi a nakagun-od/nakauray iti kanito nga isasangbay dayta napasingkedan a kari.

Palabra de honor (word of honor)? Bay-amon dayta no lapsutemon ti patapat ti pinasingkedam a kari. Amin a kari, agtalinaed laeng a temporary? No ramut koma dagiti agsisinggala a kari, ti akinramut dayta, agtutunnal iti puon ti kayo. No adda napigsa nga angin wenno agus ti danum a mangdupir, alisto a madaleb ti puon. Kasta kadi ti kinarasi ti pinasingkedan a kari?





Rate this Article
Low <---------------------------------> High



Please login to rate this Article