Damdamag

Medical, dental, surgical and evangelical mission 07/29/2010 Naballigian ti naaramid a Medical, Dental,Surgical ken Evangelical Mission iti Baryo Gabon ti ili ti Dingras Ilocos Norte idi petsa ti Hulio 15 & 16 itoy a tawen babaen ti tulong ti Dakilang Pag-ibig Ministries nga idauloan ni Brother Jun Andres Jr iti syudad ti Baguio ken Susuin City California..Adu ti naparaburan a kakailiantayo iti daytoy a misyon. Dakkel a pagyamananmi kadagiti naayat unay a Dodoktor ken Narses nga immay timmulong itoy masao a Medical Mission. Dagiti agtutubo ti Divine Love Christian Fellowship ti San Jose California nga ipanguloan ti numo ti biang, siamda amin nga immay timmulong itoy a misyon ken dagiti tallo a kaanakanmi a kaleppasda ti nageksamen iti Board ken maysa a kaanakan dagiti ag-Bumanglag iti Burgos, Isabela. Adda agarup a tallo gasut ti natratar iti nagduduma a klase ti nasakit. Uray pay iti katengngaan ti nepnep ta imbuyatna ti napigsa a tudo iti malem ngem saan nga isu ti tubeng tapnon di matuloy ti misyon no di ket sinarakusokda ti tudo tapnon maikkanda laeng iti gundaway a matrato dagiti nasakitda. Tinawen daytoy a maaramid tapnon matulong dagiti kakailian a di makabael nga agbayad iti agas a kasapulan kadagiti nasaksakitda. No adda man Dodoktor wenno Narses nga agkalikagum a makibunggoy kadakami siaayat ti bunggoy nga umawat kadakuada. Tawagandak latta iti uray ania nga oras tapnon maitedko ti aldaw ken bulan ti masao a Medical Mission. Rev. Dr. Edmund S. Salvador Home phone..408-942-0211 Cell# 408-667-5707

name	datestamp	comment	rating
Edmund Segundo Salvador	7/29/2010 9:12:09 PM	Agyamanak kabsat Ken itoy a sinaritam . agpayso unay a masapulmi ti karkarargyo a Kakabsatmi iti Apo.Talaga met a sakripisio daytoy gapu ta masapul a maaramid a kasta.Thank you again and God bless.	0
June Singson	7/29/2010 7:20:54 PM	Saan a kastoy tyi pannakaisurat ti maysa a damag. Diay koma "Dadduma Pay" a lakon ti nakaikabilanna. Most are said in general terms and not in details which is the core of a "news". Daytoy pay la ti nabasak a damag nga adda plug-inna kas mabasa iti maudi a sentence. Sorry Dr. Salvador!	-4
Ken H. Oagayen	7/29/2010 1:08:07 PM	Mayat man daytoy nga ar aramidenyo kabsat,sapay ti Mannakabalin a Dios iti kanayon a mangbendisyon kadakayo ken daytoy a misyonyo. Maipalagip kaniak ti MAP(Medical Ambassador in the Philippines)a ginupgop met laeng dagiti nadumduma nga adda iti medical propesyon(Doktors/Narses/ midwives/dentists) a mangipaay kadagiti libre serbisyo dita Pinas, kangrunaanna kadagiti nasulinek a luglugar.	5